طريقة عمل الشيش طاووق بالتتبيلة السرية

 طريقة عمل الشيش طاووق بكل أسرارة بطريقة سهلة جدا  مع سر تتبيلة الشيش طاووق

عمل الشيش طاووق  بكل اسراره بطريقة سهلة جدا وبتتبيلة مميزة

شيش طاووق هي أكلة تتكون من كريات صغيرة من الدجاج متبلة بطرق مختلفة. من أشهر تتبيلاته نقع قطع الدجاج بالملح والبهار الأسود والخردل واللبن لساعات.

ووضعها في عيدان خشب مع تشكيلة رائعة من الخضار.

والتسوية علي نار متوسطة أو في الفرن علي الشواية، للحصول علي افضل طعم مميز للشيش طاووق.

الشيش طاووق المشوى بكل أسرارة، الشيش طاووق من أطباق الطعام اللذيذة والغير تقليدية المحببة لدى الأطفال ويفضله الكبار أيضا.

مكونات الشيش طاووق

كيلو الا ربع او كيلو من الدجاج المخلي

كوب زبادي ( 250 جرام ) او اتنين حجم صغير

بصله متوسطه الحجم

ملعقه كبيره ثوم مفروم ( 5 أو 6 فصوص )

ملعقه كبيره صلصه طماطم

ملعقه كبيره مستردة

ملعقه كبيره معجون الفلفل ( اختياري )

نصف كوب زيت زيتون او زيت نباتي

ملعقه كبيره ممتلئه صويا صوص

ملعقه كبيره خل

ربع كوب عصير ليمون ( 3 أو 4 حبه ليمون )

ملعقه صغير كل من ( فلفل اسمر _  زنجبيل بودره _ كزبره ناشفه _ بابريكا )

بصل

فلفل الوان

طماطم

مشروم

طريقة التحضير الشيش طاووق

اول حاجة هنعملها هنجهز التتبيلة اللي هننقع فيها قطع الدجاج.

في بولة هنضع الزبادي وعليه البصل المبشور ناعم جدا والثوم المفروم وصلصة الطماطم لإعطاء لون مميز لقطع الدجاج، ووضع

 المستردة ومعجون الفلفل، لو معجون الفلفل مش متوفر ممكن الاستغناء عنه، ونضيف عليهم زيت الزيتون والصويا صوص والخل

 وعصير الليمون ثم إضافة التوابل والملح والفلفل وظبط الطعم.

نقوم بخلط كل المكونات جيدا، ثم وضعها علي الدجاج بعد تقطيعه لمكعبات متوسطة الحجم، ممكن نستخدم صدور مخلية أو وراك

 مخلية، لكن الأفضل استخدام الأوراك المخلية لانها بتكون اطري بسبب وجود نسبة من الدهون فيها.

نخلط التتبيلة جيدا مع الدجاج ونغطيها ونضعها في الثلاجة اقل حاجة 3 ساعات وكل ما تفضل في التتبيلة فترة أطول كل ما كان طعمها

 احلي، وخصوصا لو اتعملت من بليل بتبقي اطري وشاربة من التتبيلة كويس جدا.

هنجهز الخضروات اللي هنستعملها مع الدجاج، ممكن نستعمل فلفل الوان و بصل ممكن بصل قاورمة أو بصل عادي وطماطم شيري

 أو طماطم عادية ممكن نستخدم مشروم المهم تقطيع اي خضار هنستخدمه لمكعبات متوسطة ومقاربة لحجم قطع الدجاج.

هنجهز العيدان الخشب بنقعها في الماء شوية قبل الاستخدام حتي لاتحترق عند التسوية.

طريقة وضع قطع الدجاج في العيدان الخشب : – 

 

نضع في كل عود تشكيلة من الخضروات بالتبادل مع قطع الدجاج .

انا بفضل ابتدي بالبصل الاول وانهي بالطماطم أو المشروم.

بيبقي شكلها حلو جدا مع وجود ألوان مختلفة من الخضار.

هنخلص كل كمية الدجاج والخضار بنفس الطريقة.

طريقة تسوية الشيش طاووق 

يتم تسوية الشيش طاووق بطريقتين :

الطريقة الأولي تسوية الشيش طاووق في الفرن

نحضر صينية ونضع عليها شبكة ونرص عليها عيدان الشيش طاووق.

وفي حالة عدم توفر شبكة ممكن وضع عيدان الشيش طاووق علي طرف الصينية من فوق ووضعها بجوار بعضها.

يفضل عدم وضع الشيش طاووق في قعدة الصينية لأن عند نزول السوائل منه ستكون ملامسة للعيدان الخشب وسيصبح الطعم اقرب الدجاج المسلوق وليس المشوي.

نضع الصينية في الرف الاوسط مع تشغيل الشواية فقط.

وكل شوية نقلب العيدان علي الناحية التانية ودهنها بالفرشاة من خليط التتبيلة المتبقي.

هنكمل التسوية بنفس الطريقة الي أن تاخد لون التحمير الحلو والمميز للشيش طاووق.

الطريقة الثانية تسوية الشيش طاووق علي البوتجاز: 

نحضر مقلاة غير لاصقة ونتركها علي النار تسخن جيدا ثم وضع عيدان الشيش طاووق بها مع مراعاة عدم وضع كمية كبيرة حتي تستوي جيدا وتحتفظ بالسوائل بداخلها.

وجعل النار عالية في الاول ثم نكمل التسوية علي نار هادئة.

والضغط علي قطع الدجاج من حين الي اخر حتي تلامس قعدة الطاسة.

والتقليب علي جنب حتي تكتمل التسوية.

بطريقة التسوية ديه قطع الدجاج بتكون طرية ومستوية كويس جدا وفي نفس الوقت واخدة لسعة الشوي الحلوة.

ولاعطاء طعم الشوي ممكن بعد التسوية نجمع كل عيدان الشيش طاووق وتسخين فحمة علي النار جيدا ووضعها في ورقة فويل صغيرة وسط الشيش طاووق ونضع عليها معلقة صغيرة من الزيت ونغطيها حتي تأخذ من ريحة الفحم.

وبكده يبقي اكتمل تسوية الشيش طاووق وأصبح جاهز.

من المهم تركه في التتبيلة فترة طويلة.

والتسوية بأي طريقة ممكن سبق للحصول علي افضل طعم للشيش طاووق.

تقدم ساخنة، وممكن نقدمها مع الرز البسمتي أو البطاطس البيوريه أو يقدم لوحده.

عملنا في وصفتنا افضل طريقة للشيش طاووق، الطعم رائع والتسوية مظبوطة جدا، شارب من التتبيلة ومن كل النكهات المميزة اللي تمت إضافتها.

اتمني تجربوها وتعجبكم أن شاء الله وبالف هنا علي قلوبكم مقدما