فطيرة التفاح بالبف بستري والتوست في بيتك
طريقة عمل فطيرة تفاح بالبف باستري والتوست وصفة سهلة وسريعةو تابع الفديو في اخر الموضوع, واشترك معانا في القناة ليصلك جديد مطبخ جيهان عزب
مكونات عمل فطيرة تفاح بالبف باستري والتوست
1 – تفاح اي نوع لكن يفضل التفاح الاخضر
2 – توست
3 – عجينة الباف باستري
4 – قرفة
5 – زبدة
6 – ربع كوب سكر
7 – ربع كوب عسل
8 – 1 ملعقه نشا
طريقه التحضير:
1 – هنحتاج التفاح الاخضر او اي نوع تفاح متوفر، هنغسله جيدا ونجففه
2 – هنقشره ونشيل القلب منه والبذور ونقطعه شرائح رفيعة
3 – نضع عليه عصير ليمونه كاملة، ونقلبه جيدا حتي لايسود لونه
4 – وفي إناء علي النار نضع معلقتين من الذبدة نتركها تسيح ونضيف عليها التفاح
5 – نقلب التفاح في الذبدة لمدة دقيقة واحدة يشوح قليلا
6 – ثم نضيف عليه السكر والعسل والقرفة ورشة من جوزة الطيب، نقلب التفاح مع المكونات ديه كلها يتشوح شوية ويتكرمل في السكر والعسل بس ميتهريش عايزينه يفضل محافظ علي شكله.
7 – ثم نضيف عليه النشا لتمتص اي سوائل موجودة فيه، نقلبها بس تقلبتين ونقفل عليه النار.
8 – نضعه في طبق ونتركه حتي يبرد تماما.
هنعمل اول حاجة فطيرة التفاح بالتوست.
1 – في طبق هنضع بيضة ورشة من القرفة، نقلبها جيدا ونتركها علي جنب.
2 – هنأخذ واحدة من التوست ونشيل أطرافها كلها، ونفردها بالنشابة حتي تصبح بسمك رفيع.
3 – كل فطيرة هتحتاج 2 من التوست هنعملهم بنفس الطريقة.
4 – نضع واحدة توست بعد مااتفردت، ثم ندهن طرف فقط من الاربع جوانب بالبيض، ونضع عليها الحشو، ثم نضع عليها واحدة أخري من التوست.
5 – ونضغط علي الطرف جيدا من كل النواحي حتي تتماسك، وممكن بشوكة نضغط عليه حتي يلتصق الطبقتين مع بعض كويس.
6 – وكده أصبحت جاهزة، هنكرر بنفس الطريقة الكمية التي نحتاجها.
الطريقة التانية لفطيرة التفاح بعجينة البف باستري.
1 – نأخذ واحدة فقط من العجينة وهي بتكون علي شكل مربع، ندهن أطرافها كلها بالبيض.
2 – ثم نضع الحشوة علي الطرف ونغلق الطرف التاني عليها ونضغط عليه جيدا حتي يتماسك وبشوكة هنضغط علي الطرف حتي يلتصق ببعض.
طريقة تسوية البف باستري والتوست
1 – ممكن في الفرن او علي النار في الذبدة
2 – افضل تسوية لفطيرة التفاح بالبف باستري في الفرن، هنعمل كام شق بسيط بالسكينة من علي الوش، وندهن الوش بالبيض.
3 – نحضر صينية تدخل الفرن ونرص بها فطائر التفاح بالبف باستري.
4 – ونضعها في فرن ساخن مسبقا علي درجة 200 لمدة من 20 الي 25 دقيقة، أو حتي تأخذ الفطائر لون ذهبي حلو.
5 – اول ما تخرج من الفرن ممكن نرش علي الوجه قليل من السكر البودرة وتقدم دافئة، بتكون هشة وطرية ولذيذة جدا.
طريقة تسوية فطائر التفاح بالتوست
1 – نضع معلقتين من الذبدة في طاسة علي هادئة، نتركها تسيح ثم نرص عليها الفطائر.
2 – نتركها الي ان تاخذ لون ذهبي حلو ثم نقلبها علي الوجه التاني ونتركها حتي تتحمر من كل جوانبها وتأخذ لون حلو.
تقدم دافئة ويتكون مقرمشة من الخارج وطرية من الداخل والطعم لذيذ جدا
ملحوظة : ممكن تسوية البف باستري والتوست بطريقة واحدة وهتطلع نفس النتيجة.
الطريقتين طعمهم مميز جدا جربوا منهم اي طريقة تعجبكم
التعليقات مغلقة.